Каталониянинг “Барселона” клуби “Вулверхэмптон” вингери Адам Траоре учун бўладиган рақобатда “Реал”га имкониятни бой беришни хоҳламаяпти.

Daily Mail нашри тарқатган хабарга кўра 24 ёшли футболчи учун “қироллик клуби”дан ҳам қизиқишлар пайдо бўла бошлагач, “кўк-анор ранглилар” унга бўлган эътиборини янада оширишган. Бироқ, шундай бўлсада “Барса” ҳалигача ушбу трансфер юзасидан АПЛ клуби билан алоқага чиқмаган.

Маълумот учун, “Вулверхэмптон” Траорени 2018 йилнинг ёзида 18 млн фунт эвазига сотиб олган эди. У жорий мавсум премьер-лигада 24 та ўйинда майдонга тушди ва 4 та гол ҳамда 7 та голли узатмага муаллифлик қилди. Унинг клуб билан амалдаги шартномаси эса 2023 йилга қадар имзоланган.