Рейна "Реал"га ўтишга розилик билдирди

"Милан" клуби дарвозабони Пепе Рейна ёзги трансферлар ойнаси ёпилгунига қадар жамоасини алмаштиришга тайёр. Бу ҳақда Marca нашри хабар тарқатмоқда.

Юқоридаги манбаага кўра испаниялик посбон "Реал"га ўтишга розилик билдирган. Айтиш керакки, у жамоадн кетиш арафасида турган Кейлор Наваснинг ўрнини эгаллашга тайёр.

Ўз навбатида “россонерилар” ҳам йилига 6 млн еврога яқин маош оладиган 36 ёшли футболчини қўйиб юборишга тайёр.

Маълумот учун, Рейна ўтган мавсум “Милан” сафида жами 12та ўйинда майдонга тушди ва ўз дарвозасидан 15та гол ўтказиб юборди. Унинг трансфери эса 1 млн еврога баҳоланмоқда.