Рибери маошининг тенг ярмига қисқартирилишига ҳам рози бўлди

"Фиорентина" 30 июнь куни эркин агентга айланиши мумкин бўлган ярим ҳимоячи Франк Рибери билан шартномани 1 йилга узайтириш борасида музокара олиб бормоқда.

38 ёшли француз футболчиси клубда қолишга қарши эмас, аммо “бинафшаранглилар” президенти Рокко Коммиссо унинг йиллик маошини 4 миллиондан 2 миллион еврогача камайтирмоқчи.

Шунга қарамай, Риберининг агенти Давиде Липпи билан ўтган музокаралар ижобий якунланган. Якуний қарор келаси ҳафтада қабул қилиниши кутилмоқда.

Рибери ўтган мавсум А Серияда жами 29 та ўйинда майдонга тушди. У ушбу учрашувларда ўз ҳисобига 2 та гол ҳамда 6 та голли узатма ёздириб қўйди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар