Родри "Тоттенхэм"га қарши ўйиндан сўнг ҳакамларни танқид қилди

"Манчестер Сити" ярим ҳимоячиси Родри АПЛнинг 24-тури доирасида Лондоннинг "Тоттенхэм" (2:2) жамоасига қарши ўйиндан сўнг ҳакамлик ишларини танқид қилди.

Футболчи Sky Sports нашрига берган интервьюсида ҳакамлар "шпорлар"нинг биринчи голини ҳисоблаш орқали жуда қўпол хатога йўл қўйганини таъкидлади. У Соланке Гехи билан кураш вақтида қоидабузарлик қилганини ва бундай ҳолатда гол ҳисобланмаслиги кераклигини айтди.

"Мен одатда ҳакамлик ҳақида гапиришдан қочаман, чунки уларнинг ишига ҳурмат билан қарайман. Аммо сўнгги пайтларда бизнинг ўйинларимизда ҳакамлар жуда тез-тез хато қиляпти. Одамлар бизнинг ғалабаларимиздан чарчаган бўлиши мумкин, лекин ҳакамлик ҳар доим бетараф бўлиши керак. Бу адолатсизлик", — деди Родри.

Маълумот учун, "шаҳарликлар" 47 очко билан турнир жадвалида иккинчи ўринда бормоқда.