Родригес совринни Колумбияга қайтарди

АҚШдаги қитъа чемпионатида Колумбия терма жамоаси кўрсатган ўйин кўпчилик мухлису мутахассислар олқишига сазовор бўлди.

Колумбияликларнинг муваффақиятида 33 ёшли ҳужумкор футболчи Хамес Родригеснинг ҳиссаси катта бўлди. Гарчи унинг жамоаси финалда Аргентина терма жамоасидан мағлубиятга учраган бўлса-да, Родригеснинг ўзини турнирнинг энг зўр ўйинчисига аталган соврин билан тақдирланди.

Хамес Родригас футбол тарихида Америка кубогининг энг зўр футболчиси сифатида эътироф этилган иккинчи колумбиялик чарм тўп устаси ҳисобланади.

Аввал бу соврин билан 1987 йилги мусобақада порлаган Карлос Вальдеррама тақдирланган эди. Орадан 37 йил ўтиб, Хамес Родригес нуфузли совринни колумбияликларга қайтарди.

Хамес чемпионат давомида олтита учрашувда қатнашиб, рақиблар дарвозасини бир маротаба ишғол қилди ва жамоадошларига жами олтита голли пас узатди.