Родригес: Ямал менга ўхшайди

Хамес Родригеснинг фикрича, Неймар "Олтин тўп"ни уч марта қўлга киритиши мумкин эди.

Колумбиялик футболчи интервью давомида "Реал Мадрид" ва "Барселона"нинг ўйинини баҳолади ва Неймарнинг "Олтин тўп" олиш имконияти ҳақида гапирди.

- "Реал"нинг ўйинларини кам кузатаман. Ўтган йили улар Чемпионлар Лигасини қўлга киритди ва Мбаппе келиши билан улар янада кучайди деб ўйлайман.

Менимча, "Барса"да ҳам ҳолат яхши. Ямалнинг ҳаракатлари меникига ўхшаб кетади. Ҳа, у юқори даражадаги футболчи бўлади. Унда Неймарда мавжуд бўлган баъзи хусусиятлар бор.

Менинг назаримда, агар Месси ва Криштиану Роналду бўлмаганида, Неймар учта "Олтин тўп"ни қўлга киритган бўларди, - деди ярим ҳимоячи "Los Amigos de Edu" дастури эфирида.