"Рома" Де Россининг фаолиятини якунлаганига қандай муносабат билдирди? (видео)

"Рома" клуби кеча футболчилик фаолиятини якунлаган собиқ сардори Даниэле Де Россига атаб махсус видеоролик тайёрлади.

“Мутлақо фантастик фаолият ўз якунига етмоқда. Ажойиб хотиралар учун раҳмат, Даниэле”, - деб ёзилади римликлар матбуот хизмати тарқатган хабарда.

Маълумот учун, Де Росси 2002-2019 йилларда “Рома” шарафини ҳимоя қилган. У ушбу давр мобайнида жами 616 та ўйинда майдонга тушди ва 63 та гол ҳамда 54 та голли узатма ёздириб қўйишга эришди. Унинг сўнгги жамоаси Аргентинанинг “Бока Хуниорс” клуби бўлган эди.