"Рома" футболчисини "Милан"га бериб, ЖЧ финалчисини олади
"Рома" ва "Милан" ўзаро футболчи алмашиши мумкин.
Итальян ОАВ хабарига кўра, миланликлар Николо Заньолони ўз сафига қўшиб олишни истамоқда. Аммо унинг трансфери учун катта маблағдан воз кечишни хоҳламаяпти. "Россонерилар" италиялик истеъдод соҳиби эвазига ўз футболчисини Римга жўнатишга тайёр. Қўшимчасига, 25 миллион евро тўланади.
Гап "Милан"нинг хорватиялик вингери Анте Ребич ҳақида кетмоқда. ЖЧ вице-чемпиони сўнгги пайтларда асосий таркибдаги ўрнини Рафаэль Леауга бой бериб қўйди. Шу боис, унинг ўзи ҳам фаолиятини бошқа жамоада давом эттиришга қарши эмас.
22 ёшли Николо 2018 йилда "Интер"дан "бўрилар" таркибига келиб қўшилганди. Бу вақт оралиғида у 111 учрашувда майдонга тушиб, ўз ҳисобига 22 гол ва 15 ассистни ёздириб қўйишга муваффақ бўлган.
Фикрлар