"Рома" ҳам саудияликларга ўтяптими?

Яқинда саудиялик инвесторнинг "Рома"га қизиқиш билдираётгани ҳақида тарқалган миш-мишлар клуб томонидан рад этилди.

La Gazzetta dello Sport нашри хабарига кўра, “бўрилар” президенти Ден Фридкин 2020 йилда харид қилган клубини ҳозирча сотиш ниятида эмас.

Манбага кўра, Фридкин жамоани йилдан-йилга кучайтириб, уни янада рақобатбардош қилиш ниятида ва узоқ кутилган стадион лойиҳасини амалга ошириш устида ишламоқда.

Эслатиб ўтамиз, Жозе Моуриньо бошқарувидаги "Рома" 32 турдан сўнг 52 очко тўплаган ҳолда А Серия мусобақа жадвалида 6-ўринда бормоқда.