“Рома” Италия футболини шарманда қиляпти

Италия терма жамоасининг собиқ ҳужумчиси Антонио Кассано “Рома” бош мураббийиЖозе Моуриньони кескин танқид қилди.

Ҳозирги пайтда “Рома” мураббийлари ва футболчиларига ҳакамлар ва рақиблар билан тортишиш, уларни ҳақоратлаш одатга айланиб қолди. Ҳар бир учрашувда захира ўриндиғидаги ўйинчиларнинг майдонга югуриб чиқишини кузатиш мумкин.

“Рома” Италия футболини шарманда қиляпти. Аслида улар иккинчи ўринни эгаллаши ҳам мумкин эди, лекин Моуриньонинг  Италияга қайтиши омадсиз чиқди, - деди Антонио Кассано.

Кассано футболчилик даврида “Рома”, “Реал”, “Милан” ва “Интер” жамоалари шарафини ҳам ҳимоя қилган.