“Рома” катта трансферни уддалади

“Рома” ўз сафига “Сассуоло” ярим ҳимоячиси Давиде Фраттезини қўшиб олишга жуда яқин турибди, - деб хабар берди италиялик журналист Николо Скира.

Рим клуби анчадан бери бу ўйинчи бўйича музокара олиб бормоқда ва масала ўз ечимини топиш арафасида. “Бўрилар” ўзлари тарбиялаган Фраттезини ортга қайтариш учун ўйинчига беш йиллик  шартнома ва йилига 2 миллион евро маош таклиф қилди.

Фраттезининг трансфери 20-30 миллион евро атрофида баҳоланмоқда. Пойтахтликлар бу суммани тушириш мақсадида трансферга “Рома”нинг икки ёш ўйинчисини қўшмоқчи.

Давиденинг ўзи ҳам Моуриньо қўл остида тўп тепишни истаяпти. У ўтган мавсум “Сассуоло” таркибида А Сериянинг 36 та ўйинида қатнашиб, тўрттадан гол ва ассист муаллифи бўлди.