"Рома" муҳим ўйин олдидан Элдор Шомуродовни эслaди

"Рома" ўзининг ижтимоий тармоқдаги расмий саҳифасида Элдор Шомуродовни тилга олди.

Гап шундаки, римликлар А Сериянинг 27-турида ўз уйида "Ювентус"га қарши майдонга тушади. Ушбу баҳс олдидан клуб туринликлар дарвозасини ишғол қилган Элдорнинг голини эслаб ўтди.

"Элдор Шомуродов "Олимпико" стадионидаги сўнгги голини "Ювентус"га киритган", — деб ёзди клуб матбуот хизмати.

Маълумот учун, ўзбекистонлик ҳужумчи "бўрилар" сафида 85 та учрашувда майдонга тушиб, 13 та гол ва 11 та ассистни ўз ҳисобига ёздирган. Айни пайтда у Туркиянинг "Истанбул Башакшехир" жамоаси сафида тўп тепмоқда..