“Рома” рақиб жамоага футболчи жўнатади

“Милан “ раҳбарияти 1 миллион евро эвазига “Рома” ҳимоячиси Аллесандро Флоренцини бир йилга ижарага олишга қарор қилди. Шунингдек, миланликлар мавсум якунланиши билан Италия терма жамоаси сафида Европа чемпиони бўлган ҳимоячини 4 миллион еврога тўлиқ трансфер қилмоқчи.

Жозе Моуриньо бу футболчини Римда қолишини истамоқда, бироқ клуб хўжайинлари уни сотиш ёки ижарага беришни режалаштирган. Алессандро ўтган мавсумда ПСЖ шарафини ҳимоя қилганди.

Флоренцининг “Рома” билан шартномаси 2023 йилнинг ярмигача давом этади. Унинг ўзи “Милан”га ўтишга розилик берган.