"Рома" ва "Интер" собиқ футболчиси баскетболчилик фаолиятини бошлади

"Рома" ва "Интер"нинг собиқ футболчиси Адем Льяич 33 ёшида баскетболчилик фаолиятини бошлади. У Сербия Суперлигасининг клубида тўп тепишда ҳам давом этади.

Ярим ҳимоячи Сербиянинг Нови Пазар шаҳрида туғилган ва ҳозирда худди шу номдаги клубда ўйнайди.

Бир неча кун аввал футболчи клуб раҳбариятига баскетболчилик фаолиятини бошлаш ниятида эканини маълум қилди.

Сербия ОАВ маълумотларига кўра, Льяич Сербия минтақавий лигасининг ғарбий зонасида ўйнайдиган маҳаллий "Нови Пазар 1969 " баскетбол жамоасига қўшилди.