«Roma» yangi mavsum uchun safar libosini taqdim etdi

«Рома» клуби расмий сайти орқали 2026/2027 йилги мавсум учун янги сафар либосини намойиш этди.

Клуб маълумотига кўра, янги форма минималистик, лекин ўзига хос дизайнга эга бўлиб, «бўрилар»нинг мухлислар билан боғлиқлиги, клуб анъаналари ва ушбу футболкани фахр билан тақиш масъулиятини ифодалайди.

Футболканинг асосий ранги оқ. Кўкрак қисмида сариқ-қизил рангли кенг чизиқ жойлашган. Шу чизиқ марказида эса контраст бериб турувчи винтаж клуб герби тасвирланган. Ушбу эмблема илк бор 1938 йилда тақдим этилган бўлиб, айрим ўзгаришлар билан фақат шу турдаги формаларда 1946/1947 йилги мавсумгача қўлланилган. Классик элементлар ва ёқанинг ўртасида «adidas»нинг қизил рангдаги уч баргли рамзи жойлашган. Ёқанинг орқа қисмида эса «ROMA CHIAMÒ» ёзуви туширилган бўлиб, у «Campo Testaccio» қўшиғини эслатади. Бу шиор жамоа, унинг тарихи ва мухлислари ўртасидаги узилмас боғлиқлик рамзи сифатида талқин қилинади», — дейилади клуб хабарида.