Ads

Римнинг “Рома” клуби ўз сафини ПСЖнинг бразилиялик ярим ҳимоячиси Лукас Моура билан тўлдирмоқчи. Бу ҳақда Corriere dello Sport нашри хабар бермоқда.

Маълумотларга кўра француз клуби футболчисини сотишга тайёр, бироқ унинг эвазига мўмайгина пул талаб қилмоқчи. Аниқроғи, парижликлар 24 ёшли футболчининг нархини 30 млн еврога баҳолашмоқда. Таъкидлаш лозимки, Моуранинг маоши солиқларсиз йилига 3 млн еврони ташкил этади.

Бразилия терма жамоаси аъзоси учун “Рома”дан ташқари яна бир қатор Европа грандлари қизиқиш билдиришмоқда. Агар римликлар ушбу трансферни амалга оширишса, у ҳолда бу харид жамоанинг АҚШлик хўжайини Жеймс Паллотто фаолиятидаги энг қиммати бўлиши мумкин.