Роналду Англиядаги ҳашаматли уйини сотмоқда

Португалиялик футболчи Криштиану Роналду Манчестернинг Чешир қишлоғида жойлашган ҳашаматли уйини сотмоқда. Кўчмас мулк агенти Жексон Стопс бу масала билан шуғулланади. У уйни "замонавий дизайн намунаси" деб таърифлади.

"Goal" нашри хабарига кўра, Роналду уй учун 5,5 миллион фунт (тахминан 6,25 миллион евро) олади.
Уй ҳақиқатан ҳам ҳайратланарли бўлиб, унинг ҳатто ўз кинотеатри ҳам бор.

Эслатиб ўтамиз, Криштиану Роналду ноябрь ойида "Манчестер Юнайтед" билан шартномасини бекор қилганди. Айни дамда португалиялик ҳужумчи "Ан-Наср" сафида тўп тепмоқда.