Роналду бугун Хорватияга қарши ўйинда иштирок этмайди

Португалия терма жамоаси ҳужумчиси Криштиану Роналду бугун Хорватияга қарши бўладиган УЕФА Миллатлар лигаси 1-тур учрашувини ўтказиб юборади.

A Bola нашри тарқатган хабарга кўра, 35 ёшли футболчи Португалия терма жамоасининг бугунги ўйин қайдномасидан жой олмаган. Унинг ўрнида 7-рақамда “Порту” хавбеки Сержиу Оливейра таркибга киритилган.

Бундан аввалроқ, Роналдунинг ўнг оёқ бармоғида инфекция борлиги ва у антибиотиклар ёрдамида ушбу касалликдан даволанаётгани ҳақида хабарлар тарқалган эди.

Португалия - Хорватия баҳси бугун Тошкент вақти билан соат 23:45 да бошланади.