Роналду фаолиятини якунлаган Рафаэль Надалга мурожаат қилди

"Ан-Наср" клуби ва Португалия терма жамоаси ҳужумчиси Криштиану Роналду фаолиятини якунлаганини эълон қилган теннис бўйича "Катта Дубулға" турнирларининг 22 карра чемпиони, дунёнинг собиқ биринчи ракеткаси ҳисобланган испаниялик Рафаэль Надалга мурожаат қилди.

“Рафа, сен нақадар ақл бовар қилмайдиган мартабага эгасан! Сенинг фидойилигинг, иштиёқинг ва ажойиб истеъдодинг бутун дунёдаги миллионлаб одамларни илҳомлантиради. Сенинг саёҳатингга гувоҳ бўлиш ва сени дўстим деб аташ мен учун шарафдир. Сени ажойиб мартаба билан табриклайман!”, — деб ёзди Роналду Х ижтимоий тармоғида (собиқ Тwиттер).

Бугун, 10 октябрь куни Надаль 19-24 ноябрь кунлари Малагада (Испания) бўлиб ўтадиган Дэвис кубоги-2024 финал босқичидан сўнг профессионал фаолиятини якунлашини маълум қилди.