Роналду ҳеч бир футболчи қилмаган ишни қилди!

"Ан-Наср" форварди Криштиану Роналду Саудия Арабистони чемпионатининг 5-турида “Ал-Фатеҳ”га қарши учрашувда (5:1) жамоасининг иккинчи голини урди. Бу гол португалиялик юлдуз учун клублар таркибидаги 800-гол бўлди.

40 ёшли футболчи шу тариқа тарихда клублар сафида 800 марта рақиб дарвозасини ишғол этган илк футболчига айланди.

Беш карра “Олтин тўп” соҳиби ўз карьерасида 450 голни “Реал Мадрид”да, 145 голни “Манчестер Юнайтед”да, 101 голни “Ювентус”да, 99 голни “Ан-Наср”да ва 5 голни “Спортинг” сафида урган.

Жами ҳисобда у клуб ва терма жамоа таркибида 949 гол муаллифига айланган.

Роналдунинг риядликлар билан тузган амалдаги шартномаси 2027 йилнинг ёзигача мўлжалланган. “Transfermarkt” маълумотларига кўра, ҳужумчининг трансфер нархи 12 миллион евро этиб белгиланган