Роналду: Испанияни соғиняпман, чунки...

Туриннинг “Ювентус” клуби форварди Криштиану Роналду Испания чемпионатини соғинаётгани ҳақида гапириб ўтди.

“Албатта, Испанияни соғиняпман. У ерда Месси билан ажойиб рақобатимиз бор эди. Биз бир-биримизни олға ундардик.

Лионель билан муносабатларимиз жуда яхши. Биз ҳозирча кечки овқатни бирга ўтказмаганмиз. Аммо, умид қиламанки келажакда бу ҳам содир бўлади.

Биз бир вақтда фаолиятимизни якунлаймизми? У мендан 2 ёш кичик. Бироқ, мен ҳам ўз ёшимга нисбатан ёмон кўринмайман ва бу ерда янаги мавсум ҳам, яна икки йил, балким уч йил...Мени ёқтирмайдиганлар яна мени кўришга мажбур бўлишади”, - дейди 34 ёшли португалиялик футболчи.

Эслатиб ўтамиз, Роналду 2009-2018 йилларда “Реал” Мадрид клуби шарафини ҳимоя қилди.