Роналду Италияда қонунни буздими?

Италия спорт вазири Винченцо Спадафора коронавирус билан касалланган "Ювентус" ҳужумчиси Криштиану Роналду Туринга қайтиб келганида пандемия қоидаларини бузган, деб ҳисоблашини айтди.

“Агар соғлиқни сақлаш органлари томонидан аниқ рухсатномалар берилмаган бўлса, демак бу протоколга зид бўлган", - деди Спадафора Rai радиоси эфирида.

"Ювентус" президенти Андреа Аньелли вазирнинг бу гапларига қуйидагича жавоб қайтарди: “Сиз давлат қонунларини қўллайдиган соғлиқни сақлаш ва ички ишлар вазирликларига қўнғироқ қилишингиз ва тушунтириш олишингиз керак”.