Роналду Литва дарвозасига 7 та гол урган. У ҳеч қайси терма жамоага бунчалик кўп гол урмаган
Португалия терма жамоаси ҳужумчиси Криштиану Роналду Евро-2020 саралаш босқичидан ўрин олган Литва (6:0) га қарши ўйинда хет-трик қайд этди.
Роналду Литва дарвозасига фаолиятидаги 5,6 ва 7-голларини киритди. Шу билан, Литва "Ювентус" форварди учун энг кўп гол ура олган терма жамоасига айланди.
Андорра, Арманистон, Швеция ва Латвия терма жамоаларига Роналду 5 тадан гол урган.
Бундан ташқари, Роналду терма жамоа учун 98-голини киритиб улгурди. Эроннинг собиқ футболчиси Али Даеи томонидан ўрнатилган жаҳон рекордига яна 11 та гол қолди.
Фикрлар