Роналду Мбаппенинг энг катта камчилигини очиб ташлади

Португалия терма жамоаси ва “Ан-Наср” ҳужумчиси Криштиану Роналду “Реал” юлдузи Килин Мбаппе ҳақида фикр билдириб, 25 ёшли футболчи марказий форвард сифатида ўйнай олмаётганини айтди.

- Агар мен “Реал”да бўлганимда Мбаппени бу жамоада қандай ўйнаш кераклигига ўргатиб қўйган бўлардим. У мендек ўйнаши керак.

Ўзим марказий ҳужумчи бўлмаганман, лекин худди шу вазифани бажара олганман. Одамлар мен қанот ҳужумчиси бўлганимни унутиб юборган.

Ҳужум марказида ўйнай Мбаппега оғирлик қиляпти. Фикримча, Килиан бу позицияда қандай ўйнаш ва нима қилишни билмаяпти. Бу унинг позицияси эмаслиги яққол сезилиб қолмоқда, - деди Криштиану Роналду.

Килиан Мбаппе Испания чемпионатидаги дебют мавсумида ҳозирча 19 та учрашувда иштирок этиб, рақиблар дарвозасини 15 маротаба ишғол қилди.