Роналду "Месси!" деб ҳайқирган мухлисларга имо-ишора кўрсатди

"Ан-Наср" ҳужумчиси Криштиану Роналду "Ал-Ҳилол" билан кечган баҳсда, “Месси! Месси!” деб бақирган мухлисларга имо-ишора билан ўз реакциясини билдирди.

Трибунадаги томошабинлар ҳайқириғига 39 ёшли футболчи бош бармоғини тепага кўрсатди. Учрашув бўлса, 1:1 ҳисобида якунланди.

Эслатиб ўтамиз, Роналду ўтган йилнинг январь ойидан бери "Ан-Наср" сафида тўп тепмоқда. Бу вақт давомида португалиялик форвард 76 та учрашувда 67 та гол ва 18 та ассист қайт этишга эришди. Унинг клуб билан шартномаси 2025 йилнинг ёзида ўз ниҳоясига етади.