Роналду муҳим мурожаатни эълон қилди

Португалия терма жамоаси етакчиси Криштиану Роналду Миллатлар кубогининг илк ғолиби сифатида бу галги мусобақадаги иштироки олдидан мухлисларга мурожаатини эълон қилди.

“Барчамиз учун тарихимиз қўлган киритилган юқори натижалар ва ажойиб лаҳзалардан иборат. Биз Миллатлар лигасининг бош совринини ҳимоя қилишга киришамиз. Биз учун, сиз учун, ҳамма учун.  Олға Португалия!”, - деб ёзади Криштиану Роналду ижтимоий тармоқлардаги саҳифасида.

Криштиану Роналдунинг ўзи бугун Хорватия билан бўладиган ўйинда қатнашиши маълум эмас. Чунки унинг ўнг оёқ бармоғларида инфекция аниқланган ва даволанишда давом этмоқда. Роналду 2019-2020 йилги мавсумда жами турнирларда 57 та учрашувда майдонга тушиб, рақиблар дарвозасини 50 маротаба ишғол қилган.

Португалия терма жамоаси сафида эса 164 та ўйинда 99 та гол урган. Футбол мухлислари Роналду яна 10 та гол уриб, футбол тарихида терма жамоалар миқёсида энг кўп гол урган эронлик ҳужумчи Али Дайи рекордини такрорлашини ва кейинчалик бу натижани янгилашини кутмоқда.