Ronaldu o‘zini hayratga solgan ikki futbolchi nomini oshkor qildi

“An-Nasr” va Portugaliya terma jamoasi hujumchisi Krishtianu Ronaldu jahon futbolida eng ko‘p gol urgan o‘yinchi hisoblanadi.

Gol urish bo‘yicha to‘qqiz yuzlik dovondan o‘tgan hujumchi kiritgan to‘plari sonini mingtaga etkazishga harakat qiladi.

39 yoshli to‘purar tan bergan ikki futbolchi nomini aytdi. Bular braziliyalik Ronaldo va Ronaldinodir.

- Men qiyoslashlarni yoqtirmayman. Ronaldo va Ronaldino futbolda katta meros qoldirgan. Men ularga qaraganda, ko‘proq individual sovrinlarga ega bo‘ldim. Ammo Ronaldo va Ronaldino hisobida jahon chempionatlaridagi g‘alabalar bor. Men ulardan hayratlanaman. Ulardan qay biri zo‘rroq ekan ahamiyatga ega emas, - dedi Krishtianu Ronaldu.