
Роналду "Реал Мадрид"ни табриклади
Саудия Арабистонининг "Ан-Наср" клуби ҳужумчиси Криштиану Роналду собиқ клуби "Реал Мадрид"ни туғилган куни билан табриклади.
Бугун, 6-март куни, "Қироллик клуби" ўзининг 123 йиллигини нишонламоқда.
"123 йил Мадриднинг "Реал" клубига! Барча мадридистларни табриклайман! Олға, Мадрид!" – деб ёзди Роналду ижтимоий тармоқдаги саҳифасида.
Эслатиб ўтамиз, португалиялик футболчи 2009 йилдан 2018 йилгача "Реал" сафида ўйнаган. Ушбу давр мобайнида у барча турнирларда 438 та ўйинда майдонга тушиб, 450 та гол урган ва 131 та голли узатмани амалга оширган.
2023 йил бошидан буён 40 ёшли Роналду "Ан-Наср" клубида тўп сурмоқда. Унинг жамоа билан тузган шартномаси ушбу ёзда якунланади.
Фикрлар