Роналду “Реал”га ўтган Мбаппега нималар деди?

“Ан-Наср” ҳужумчиси Криштиану Роналду “Реал”га ўтган франциялик ҳужумчи  Килиан Мбаппега мурожаат қилди.

- “Сантьяго Бернабеу”да порлаётганингни кўришдан хурсанд бўламан. Олға, Мадрид, - деб ёзди Криштиану Роналду ижтимоий тармоқлардаги саҳифасига.

3 июль куни “Қироллик клуби” Килиан Мбаппени ўз сафига қўшиб олганини расман эълон қилди.

Маълумотларга қараганда, томонлар беш йиллик шартнома тузган ва унга кўра, 25 ёшли ҳужумчи ҳар мавсум учун 15 миллион евродан маош олади. Бундан ташқари, Мбаппега 150 миллион евро бонус сифатида тақдим этилади.