Роналду “Реал”га қайтишини инкор қилмади

“Ан-Наср” ҳужумчиси Криштиану Роналду қадрдон клуби “Реал”га қайтиши ҳақида хабарлар тарқатилди. Португалиялик юлдуз бу маълумотларни инкор қилмади.

- “Реал”га қайтишим мумкин. Лекин бу фаолиятимни якунлаганимдан кейин рўй беради. Футбол нуқтаи назаридан “Реал”да ўйнаган йилларим мен учун энг бахтиёр даврим ҳисобланади, - деди Криштиану Роналду.

Португалиялик юлдуз “Қироллик клуби”да 2009-2018 йиллар давомида тўп тепган. Мадридликлар сафида Роналду жами 438 та учрашувда майдонга тушиб ўз ҳисобига 450 та гол ва 131 та ассист расмийлаштирган.

Роналду фаолияти давомида “Спортинг”, “Манчестер Юнайтед”, “Реал”, “Ювентус” ва “Ан-Наср” сафида ўйнаган. Криштиану Роналду жаҳон футболида энг кўп гол урган футболчи ҳисобланади. 39 ёшли ҳужумчининг голлари сони бугунги кунда 921 тани ташкил қилмоқда.