Ronaldu: Uyga qaytganimdan xursandman

Krishtianu Ronaldu ayni dam Portugaliya terma jamoasi ixtiyorida mashg‘ulot o‘tkazmoqda. Hujumchi ijtimoiy tarmoqlarda jamoaning mashg‘ulotidan suratni joylashtirdi va unga quydagicha izoh berdi:

"Uyga qaytganimdan xursandman!", — deydi Ronaldu.

Krishtianu Ronaldu va Portugaliya terma jamoasining Millatlar ligasining sentyabr oyidagi o‘yinlariga tayyorgarlik ko‘rmoqda. 24 sentyabr kuni portugallar mehmonda Chexiyaga qarshi maydonga tushsa, 27 sentyabr kuni Ispaniyani qabul qiladi.

Ayni paytda Portugaliya Millatlar ligasi guruhida Ispaniyadan bir ochko ortda qolgan holda ikkinchi o‘rinda bormoqda.