Роналду ва Дибаладан тандем сифатида фойдаланиш қийин. Сарри нега бундай деди?

"Ювентус" клуби бош мураббийи Маурицио Сарри жамоа ҳужумчилари – Пауло Дибал ва Криштиану Роналду жуфтлиги ҳақида тўхталиб ўтди.

“Дибала – ажойиб футболчи. Биргина қийинчилик – майдонда Пауло ва Роналду сингари турли услубдаги ҳужумчиларни бирлаштириш. Улар ҳамиша ўйин тақдирини ҳал қилиши мумкин.

Улардан биргаликда фойдаланиш қийин, агар бизда шундай 2 та ажойиб футболчи бўлса, уларга мослашиш керак, ҳужумда ҳам, ҳимояда ҳам. Рақиб жарима майдони бўш бўлиш хавфи мавжуд, лекин бу жуда ёқимли муаммо”, - дейди италиялик мутахассис.

Эслатиб ўтамиз, “Ювентус” карантиндан кейинги дастлабки учрашувни 12 июнь куни Италия кубоги ярим финал жавоб баҳси доирасида “Милан”га қарши ўтказади.

Матнда хатолик топсангиз, ўша хатони белгилаб, бизга жўнатинг (Ctrl + Enter)