Роналдудан яхшироқ ўйнайдиган футболчи бор

"Парма" клуби ҳимоячиси Бруну Алвеш бош билан ўйнаш борасида "Ювентус"даги ҳамюрти Криштиану Роналдудан яхшироқ эканини айтди.

“Мен Криштиануга қарши бир неча марта ўйнаганман. У бирор марта ҳам иккинчи қаватдаги дуэлларда мени юта олмаган. Роналду мендан тез ва техникаси кучли, аммо ҳаводаги курашларда мен яхшироқман”, - дейди Алвеш.

Қайд этиш лозимки, 38 ёшли португалиялик футболчи Европанинг энг яхши бош билан ўйновчи футболчиларидан бири ҳисобланади. У иккинчи қаватдаги курашларнинг 78,4 фоизида ғолиб чиқади.