Роналдунинг пенальтисини қайтарган дарвозабон легионеримизнинг жамоадошига айланди

Эрон миллий терма жамоаси дарвозабони Алиризо Бейранванд фаолиятини бошқа клубда давом эттиради.

"Персеполис" унинг трансферини эълон қилди. 29 ёшли посбон теҳронликлар сафида 1-рақам остида ҳаракат қилади. Айнан шу жамоада легионеримиз Шерзод Темиров ҳаракат қилади.

Унга Теҳрон жамоаси бегона эмас. Алиризо 2016-2020 йиллар оралиғида "қизиллар" шарафини ҳимоя қилган. Шундан сўнг маҳоратли посбон "Антверпен"га йўл олганди. 

Бейранванд 2018 йилги Жаҳон чемпионати гуруҳ босқичи доирасида Португалияга қарши баҳсда Криштиану Роналдунинг пенальтидан берган зарбасини ушлаб олиб, машҳурликка эришганди.