Роналду Португалия терма жамоасига қайтса, нима бўлиши айтилди

Россия чемпиони бўлган собиқ футболчи Эдуард Морнинг таъкидлашича, агар Криштиану Роналду яна Португалия терма жамоасига қайтса, у захира ўриндиғида қолиб кетиши мумкин. 

Чоршанба куни 41 ёшли Роналду Жорже Жезуш бошчилигидаги Португалия терма жамоаси йиғинини тарк этганини маълум қилди. Бу воқеа бош мураббийнинг матбуот анжумани ортидан рўй берди. Жезуш ўша учрашувда Роналдуга асосий таркибдан жой кафолатламаслигини айтган эди. Кейинроқ мураббий ўз баёнотида португалиялик юлдузни ҳануз жамоанинг рамзи деб атади ва у истаган пайтида терма жамоага қайтиши мумкинлигини қўшимча қилди.

— Албатта, бу вазиятни Лионель Мессининг терма жамоадаги фаолиятини якунлаши билан солиштиришга тўғри келади. Аргентиналик юлдуз шараф билан кетяпти, уни ҳамма кузатяпти, хурмат қилаяпти. Роналдуда эса аксинча манзара. Португалия терма жамоаси бош мураббийи Роналду истаган пайтида қайтиши мумкинлигини айтганини эшитдим. Лекин қайтиш — бир гап, майдонга тушиш — бошқа гап. Мураббий уни албатта ўйинга туширади, деган кафолат йўқ, — дея таъкидлади Мор.