Роналдунинг рекорди футбол қиролининг норозилигига сабаб бўлди

"Ювентус" ҳужумчиси Криштиану Роналду Халқаро футбол тарихи ва статистикаси федерацияси (IFFHS) талқинига кўра, футбол тарихидаги энг яхши тўпурар деб топилди.

36 ёшли португалиялик футболчи кеча "Верона"га (1:1) қарши ўйинда гол урди ва ўзининг профессионал фаолиятидаги голлари сонини 766 тага етказиб олди. У шу тариқа футбол қироли деб айтиладиган афсонавий Пеленинг (765) рекордини янгилади. Пеленинг ушбу рекордини нақд 45 йилдан буён ҳеч ким ўзгартира олмай келаётган эди.

Аммо Пеле Роналдунинг бу рекордини тан олмаяпти. Футбол қиролининг сўзларига кўра, у фаолияти давомида 1200 дан ортиқ гол урган.

Матнда хатолик топсангиз, ўша хатони белгилаб, бизга жўнатинг (Ctrl + Enter)