Ronalduning sardorlik bog‘ichi kim oshdi savdosiga qo‘yildi

Portugaliya terma jamoasi sardori Krishtianu Ronalduning sardorlik bog‘ichi kim oshdi savdosida sotilmoqda, deb xabar bermoqda Tuttomercatoweb.

Manbaga ko‘ra, auktsiondan tushgan mablag‘ umurtqa mushaklaridagi jarohatdan aziyat chekayotgan olti oylik serbiyalik bolani davolashga sarflanadi. Bog‘ichning boshlang‘ich narxi uch ming evroni tashkil qiladi.

Eslatib o‘tamiz, Ronaldu “JCh-2022” saralashidan o‘rin olgan Serbiyaga (2:2) qarshi o‘yinning 93-daqiqasida raqib darvozasini ishg‘ol qilgan edi. Ammo hakam to‘p darvoza chizig‘ini kesib o‘tmagan deb hisobladi va golni inobatga olmadi. Hozircha JCh saralashlarida VAR tizimi qo‘llanmayapti.