Россияда профессионал бокс бўйича супер турнир старт олмоқда

Россияда ўта оғир вазн тоифасидаги профессионал боксчилар ўртасида "Трофи Нокаутлар Қироли" Гран-при турнири бўлиб ўтади. Бугун, Москва шаҳрида мазкур турнирга қуръа ташлаш маросими бўлиб ўтади.

Тадбирда супер оғир вазн тоифасидаги (90,719 кгдан оғир) "саккизлик"нинг чорак финалчилари аниқланади. 25 июнь куни «Vegas City Hall» нинг бўш трибуналари остида бир оқшомда энг нуфузли вазн тоифасидаги ғолибнинг номи аниқланади. Турнирнинг қизиқ жанглардан бири, россиялик Арслан Яллиев ҳамда Европа экс-чемпиони беларуслик Юрий Биховец ўртасида бўлиб ўтиши кутилмоқда. "Саккизлик" Гран-при иштирокчилари рўйхати шундай кўриниш олган:

Виталий Кудухов 103 кг/185 см

Владимир Маркелов 105 кг/187 см

Дмитрий Левашов 110 кг/205 см

Денис Губарев 118 кг/196 см

Курейш Сагов 99 кг/101 см

Богдан Гревцов 120 кг/185 см

Герман Скобенко 112 кг/184 см

Александр Кличков 100 кг/195 см

"Москвадаги қуръа ташлаш орқали чорак финал қатнашчилари аниқланишини сабрсизлик билан кутмоқдаман. Шу кун боксчилар мавсумининг қайта тикланиши тарихи бўлади. 8 забардаст жангчининг тўқнашуви пайтида жуда кучли босим остидаги муҳит юзага келади. Бу энди ўйин эмас, ҳаммаси биргина таҳликага солувчи ҳаракат ёки бехосдан айтилган сўз орқали қуюшқондан чиқиб кетишлари мумкин" - дея мусобақа ташкилотчиси Зяки Юнусов сўзларидан иқтибос келтирмоқда "ЮКА Промоушен" матбуот хизмати.

"Саккизталик"нинг барча жанглари (1/4, 1/2 финал) Россия бокс федерациясининг қарорига кўра аввал қайд қилинганидек 3 ва 6 раунд эмас, балки 4 раунддан иборат бўлади.

Трансляция Москва вақти билан соат 18-00да бошланади. Ҳал қилувчи жанглар соат 20-00 дан бошлаб "Матч ТВ" орқали кўрсатилиши режалаштирилган. Турнир тўлиқ шаклда "Матч!Боец" канали орқали эфирга узатилади.

Фикрлар

Фикр қолдириш учун авторизациядан ўтинг!