Роуз учун курашда ким фаворит?

"Тоттенхэм" клуби чап қанот ҳимоячиси Дэнни Роуз мавсумлар оралиғида "Ювентус"га кўчиб ўтиши мумкин.

Football Italia нашри тарқатган хабарга қараганда айнан “кекса синьора” англиялик футболчи учун курашда фаворит ҳисобланади.

Таъкидлаш керакки, Роуз учун шунингдек "Шальке", "Ньюкасл" ва ПСЖ каби жамоалар ҳам даъвогарлик қилишмоқда.

Эслатиб ўтамиз, Роуз “Тоттенхэм” сафида 2007 йилдан буён тўп суриб келмоқда. У ўтган давр мобайнида “шпорлар” сафида жами 198та ўйинда майдонга тушди ва 10та гол ҳамда 27та голли узатмага муаллифлик қилди. Унинг лондонликлар билан амалдаги шартномаси 2021 йилга қадар имзоланган. Унинг трансфер баҳоси 25 млн еврога баҳоланмоқда.