Рубен Диаш: "Ҳеч бир жамоа абадий ғалаба қозона олмайди"

"Манчестер Сити" ҳимоячиси Рубен Диаш ўтган мавсум ҳақида фикр билдирди.

"Бу ёқимсиз эди, аммо кўплаб муваффақиятлардан кейин шундай палла келиши аниқ эди. Ҳеч бир жамоа абадий ғалаба қозона олмайди, гарчи бу бизнинг умумий мақсадимиз бўлса-да. Тўрт марта кетма-кет АПЛни ютиш — ажойиб натижа.

Шу билан бирга, биз дунёнинг энг қийин лигасида учинчи ўринни эгалладик. "Арсенал"дан уч очко ортда қолдик, уларнинг мавсуми гўё ажойиб ўтгандай кўрилса-да", — дея қўшимча қилди португалиялик футболчи.

Маълумот учун, "шаҳарликлар" ўтган мавсумда бирорта соврин қўлга киритмади ва 38 ўйинда 71 очко тўплаб, АПЛда 3-ўринни эгаллади.