"Рубин"да ўйнайдиган легионерларимиз Ўзбекистон МТЖ ҳамда ОТЖдан чақирув олди

Россиянинг "Рубин" клубида ўйнайдиган легионерларимиз Рустам Ашурматов Ўзбекистон терма жамоасидан, Умараларали Раҳмоналиев эса Олимпия терма жамоамиздан чақирув олди. Бу ҳақда Қозон клуби матбуот хизмати хабар берди. 

Ашурматов АҚШ ва Мексикага қарши ўртоқлик ўйинларида майдонга тушади. 27 ёшли ҳимоячи “CAFA Nation’s Cup 2023” мусобақасида қатнашмаган эди.

Умарали Раҳмоналиев U23 Осиё кубоги саралаши доирасида Афғонистон, Гонконг ва Эрон терма жамоалари билан ўйнайдиган Ўзбекистон U23 терма жамоасига чақирилди.

Маълумот учун, футболчилар 2 сентябрь куни Русланбек Жиянов ва Иброҳимҳалал Йўлдошев ҳаракат қиладиган "Нижний Новгород"га қарши ўйиндан сўнг терма жамоамиз сафига келиб қўшилади.