Runi 10 yil oldin "Barselona", "Real" yoki "Chelsi"ga o‘tishi mumkin edi

“Manchester Yunayted” klubi sobiq hujumchisi Ueyn Runi 2010 yilda qaysi jamoalardan taklif bo‘lganini aytdi.

“Chelsi” va Mourino meni sotib olishni istagani barchaga yaxshi ma’lum, deb o‘ylayman. Shuningdek, "Real" va "Barselona" ham bor edi. "Manchester Siti" haqida gap chiqqandi, ammo u erga o‘tish variant emas edi. Qolgan uchta klub varianti aniqroq edi.

O‘sha ikki kun davomida Ispaniyada o‘ynash uchun ketishga tayyorman, deb o‘yladim. Men "Barselona"ga o‘tishni xohlardim, ammo bu katta ehtimol bilan "Real" bo‘lishi ham mumkin edi. "Chelsi" varianti ham bo‘lgan”, - dedi Runi.