Руни: "2008 йилги МЮ ҳозирги "Арсенал"ни янчиб ташларди"

"Манчестер Юнайтед"нинг собиқ ҳужумчиси ва сардори Уэйн Руни жамоаси ҳозирги "Арсенал"ни мағлуб этишига ишонмоқда.

Кеча "Арсенал"нинг Чемпионлар лигаси доирасидаги "Интер"га (3:1) қарши ўйини олдидан лондонликларнинг собиқ вингери Тео Уолкотт Рунига шундай савол билан мурожаат қилди.

"Сиз, 2008 йилги жамоа, "Арсенал"нинг ушбу жамоаси билан рақобатлаша оласизми? Қўлингиздан келади. Лекин таққосласак-чи? Дарвоқе, бу мен ўйнаган жамоалар ичида энг яхшиси бўлса керак. Хуллас, бу таркиб ўша МЮ таркибига қарши", - деди Тео Amazon Prime эфирида.

- Биз уларни тор-мор қилган бўлардик, - жавоб берди Руни. Бошловчи Габби Логан ва Уолкотт Уэйннинг кулгисидан сўнг, табассум билан қўшиб қўйди: Менимча, ҳа, биз буни қилган бўлардик.

Эслатиб ўтамиз, ўша мавсумда "Юнайтед" АПЛда ўнинчи марта чемпионликни қўлга киритган ва учинчи марта Чемпионлар Лигасида ғолиб чиққан эди. Ўшанда жамоада Криштиану Роналду, Руни, Раян Гиггз, Рио Фердинанд, Эдвин ван дер Сар, Неманья Видич, Пол Скоулз, Карлос Тевез ва бошқа футболчилар ўйнаган.