Руни : «Менга бундай Премьер-лига медали керак эмас»

«Манчестер Юнайтед» таркибида афсонага айланган собиқ футболчи Уэйн Руни, агар «Манчестер Сити»га нисбатан санкциялар қўлланилса, ўзига янги совринлар берилишини истамаслигини маълум қилди

Унинг сўзларига кўра, баъзи собиқ жамоадошлари, жумладан Рио Фердинанд, 2011/2012 йилги мавсумдаги Премьер-лига олтин медалини қайтариш масаласини кўтарган.

«Фердинанд унга АПЛ медалини бериш кераклигини айтди… Лекин мен бундай йўл билан медал олишни истамайман. Ўша мавсумда олтин медални олишга лойиқ эмасмиз, деб ўйлайман. «Манчестер Юнайтед» етарлича яхши ўйнамади», – дея Рунининг сўзларини Goal нашри келтиради.1

Шу билан бирга, у «Манчестер Сити»ни молиявий қоидаларни бузгани учун чемпионликдан маҳрум этиш мумкинлигини қўллаб-қувватлашини таъкидлади.

«Клуб эгалари томонидан қоидалар бузилгани учун уларни титулдан маҳрум қилиш керакми? Менимча, ҳа. Лекин мен учун бу медални қабул қилиш ноқулай бўлади», – деди собиқ ҳужумчи.

Аввалроқ махсус комиссия «Манчестер Сити»га қўйилган айбловлар бўйича 115та банддан 114тасида молиявий қоидалар бузилганини аниқлагани ҳақида хабар берилган эди.