Сабина Шарипова асосий тўрга йўл олди

Мисрнинг Қоҳира шаҳрида Халқаро теннис федерацияси томонидан аёллар ўртасида ўтаётган мусобақада Сабина Шарипова иккинчи ғалабасини нишонлади.

 

Мамлакатимизнинг биринчи рақамли теннисчиси Сабина Шарипова мазкур турнирнинг саралаш баҳсларида дастлаб, мексикалик теннисчи Мария Рамирес 6:0, 6:1, иккинчи учрашувида бельгиялик Магали Кемпенни 6:4, 2:6, 12:10 ҳисобида таслим қилди.

 

Мазкур ғалаба теннисчимизга яккалик баҳсларининг асосий тўрида иштирок этиш ҳуқуқини берди. Энди Сабина илк даврада беларуслик Шалимар Талбига қарши кортга чиқади.