Салоҳ 3 та топ клубдан бирида ўйнаши мумкин

"Ливерпуль" етакчиси Муҳаммад Салоҳ қишд жамоани тарк этади. 

Хабарларга кўра, мисрлик футболчи қишки трансферлар бозорида жамоасини алмаштиришга тайёр. Манба маълумотларига кўра, вингер Европанинг топ клубларида фаолиятини давом эттиришга кутиляпти. Салоҳ Мадриднинг "Реал", Каталониянинг "Барселона" ва Мюнхеннинг "Бавария" клублари таклифини кўриб чиқиши мумкин. Шунингдек, у Саудия Арабистони чемпионатида тўп тепиши ҳам мумкин. Аввалроқ, ҳужумчи жамоанинг "Интер"га қарши учрашув учун қайдномасидан тушиб қолган эди. 

Маълумот учун, 33 ёшли футболчи "қизиллар" сафига 2017 йилда "Рома" клубидан келиб қўшилган.