Салоҳ бу борада АПЛ афсонасидан ўтиб кетди

"Ливерпуль" ҳужумчиси Муҳаммад Салоҳ Англия Премьер-лигаси тарихида ўз номини ёзишда давом этмоқда.

"Астон Вилла"га қарши кечган баҳсда мисрлик юлдуз гол ва ассист қайт этди. Бу голли узатма унинг АПЛдаги 75-ассисти бўлди ва бу боради Салоҳ "Арсенал" афсонаси Тьерри Анридан (74) ўтиб кетди.

"Қизиллар" етакчиси ҳозирда АПЛ тарихидаги энг яхши ҳаммуаллифилар рўйхатида 13-пағонага кўтарилиб олди. Бу рўйхатда "Манчестер Юнайтед" собиқ футболчиси Райан Гиггс 163 та ассист билан биринчи ўринни эгаллаб турибди.

Ҳозирда Англия чемпионатида ўйнаётган футболчилар орасида фақатгина Кевин де Бруйне (116), Жеймс Милнер (89) ва Кристиан Эриксонлар (76) Салоҳдан кўпроқ голли узатма амалга оширишган.