Салоҳ "Ливерпуль" билан хайрлашмоқда. Футболчи "Лидс"га қарши ўйиндан сўнг "портлади!"

"Ливерпуль" ҳужумчиси Муҳаммад Салоҳ "Лидс"га қарши учрашувдан сўнг нега захирада қолаётганини, мураббий билан муносабатлари ҳамда клубдаги келажагига ойдинлик киритиб, ўз фикрларини билдирди. 
 
"Иштиёқим йўқолди, жуда ҳам ҳафсалам пир бўлган. Мен бу клуб учун жуда кўп иш қилдим. Йиллар давомида буни ҳамма кўрди, айниқса ўтган мавсум. Нега захирада ўтираётганимни тушуна олмаяпман. Нега бундай бўлаётганини билмайман. Ўзимни клубнинг муаммосига айланганимни ҳис қиляпман. 
 
Бир неча бор айтганман — мураббий билан муносабатларимиз яхши эди, лекин бирданига бу муносабатлар йўқ бўлиб қолди. Нега бундай бўлганини билмайман. 
 
Очиғини айтсам, бу мен учун қабул қилиб бўлмайдиган ҳолат. Нега доим мен билан шундай бўлишини тушунмайман. Гўё ҳамма нарсага Салоҳ айбдор, чунки “муаммо” Салоҳдир. Мен ўзимни муаммо деб ҳисобламайман. 
 
Кеча онам билан гаплашдим ва унга кейинги ўйинга келишини айтдим, чунки бу клубдаги менинг охирги ўйиним бўлиши мумкин. Нима бўлишини кўрамиз, ўйиндан завқ олишни ўйлаяпман, чунки кейин нима бўлишини билмайман. Ўйин "Энфилд"да бўлади, демак бу Африка кубогига жўнашимдан олдинги хайрлашувим бўлади", - дея таъриф бериб ўтди жамоа юлдузи. 

Маълумот ўрнида, мисрлик ҳужумчи мерсисайдликларнинг сўнгги бир неча учрашувидан буён захирада қолдирилмоқда.