Samarqand va Moskva futbol assotsiatsiyalari o‘rtasida memorandum imzolandi

  • 2 noyabr, 2024, 14:17
  • Shuhratbek Jo’rayev
  • 0
  • Futbol
TIGGO 2 PRO

Samarqand futboli rivoji yo‘lida yana bir muhim qadam tashlandi. Ko‘hna va hamisha navqiron Samarqand shahriga Moskva futbol federatsiyasi prezidenti Aleksandr Startsev rahbarligidagi delegatlar tashrif buyurib, dastlab 28 oktyabr kuni «Dinamo» - «Nasaf» uchrashuvini kuzatishdi. So‘ng uch kun davomida Samarqanddagi futbol infratuzilmasi, viloyatdagi futbol maktabi, akademiya va yosh futbolchilarga yaratilgan sharoitlar bilan tanishib chiqishdi. 

Tashrif yakunida Moskva futbol federatsiyasi prezidenti Aleksandr Startsev va Samarqand viloyat futbol assotsiatsiyasi vitse-prezidenti Nodir Mardonov, «Dinamo» PFK bosh direktori Dilshod Sharofutdinov, «Azur» FK rahbari Zaur Rahmatov ishtirokida memorandum imzolandi. Ushbu kelishuvda o‘zaro murabbiylar va hakamlar malakasini oshirish, o‘rtoqlik o‘yinlari, o‘quv-seminarlar tashkil etish hamda yosh futbolchilar mahoratini oshirish uchun musobaqalar tashkil qilish ko‘zda tutilgan.

"Dinamo" matbuot xizmati.

Fikrlar

Fikr qoldirish uchun avtorizatsiyadan o'ting!