Sautgeyt APL klubini boshqarishi mumkin!

"Kristal Pelas" yaqinda bosh murabbiyini o‘zgartirishi mumkin. London jamoasi mavsumni yomon boshladi va sakkizta turdan so‘ng hali g‘alaba qozona olmadi (uchta durang, beshta mag‘lubiyat).

Hozirda "burgutlar" Angliya Premer-ligasi turnir jadvalida 18-o‘rinni egallab turibdi. "Transfer News Live" nashrining xabar berishicha, agarda Oliver Glasner lavozimidan ozod etilsa, Garet Sautgeyt jamoa boshqaruviga kelishi mumkin. 54 yoshli mutaxassis yozdagi "Evro-2024" turnirdan so‘ng Angliya terma jamoasini tark etgandi va hozirda ishsiz.

Bundan tashqari, rahbariyat Grem Potter va Devid Moyes variantlarni ham ko‘rib chiqadi.